"Manchester Yunayted"ning sobiq futbolchisi va futbol eksperti Rio Ferdinand "Oltin to‘p" uchun ovoz berishda "Barselona" hujumchisi Rafinya Dias beshinchi o‘rinni egallagani haqida gapirdi.
"Barselona" va Ispaniya OAV Rafinyani muhokama qilganini eshitdim. Nega u 5-o‘rinni egalladi? "Oltin to‘p"ga tayyorgarlik ko‘rish jarayonida Rafinya haqida bir og‘iz ham gapirishmadi, faqat Lamin Yamal haqida gapirishdi. Endi ular Rafinyani ko‘prog‘iga loyiq deb aytishmoqda, ammo haqiqat shundaki, Rafinyani hech kim qo‘llab-quvvatlamagan", - deya ta’kidladi Ferdinand.
Rafinya o‘tgan mavsumda barcha turnirlarda 57 ta o‘yinda maydonga tushib, 34 ta gol urgan va 25 ta golli uzatmani o‘z hisobiga yozdirib qo‘ygan.
