"Астон Вилла" клуби қанот ҳужумчиси Жэйдон Санчо жамоада доимий қолиши мумкин. Бу ҳақда National World хабар бермоқда.
Манбага кўра, "Астон Вилла" 1 сентябрдан буён ижара асосида тўп тепаётган 25 ёшли футболчи билан тўлақонли шартнома тузиш имкониятини кўриб чиқмоқда. Санчонинг келаси ёзда "Манчестер Юнайтед" билан меҳнат шартномаси якунланади, шу боис у эркин агентга айланади.
Жорий мавсумда Санчо барча мусобақаларда 2 та ўйинда майдонга тушди, аммо самарали ҳаракатлари билан ажралиб турмади.
Transfermarkt портали мутахассислари футболчининг нархини 28 миллион еврога баҳоламоқда.
