"Aston Villa" klubi qanot hujumchisi Jeydon Sancho jamoada doimiy qolishi mumkin. Bu haqda National World xabar bermoqda.
Manbaga ko‘ra, "Aston Villa" 1 sentyabrdan buyon ijara asosida to‘p tepayotgan 25 yoshli futbolchi bilan to‘laqonli shartnoma tuzish imkoniyatini ko‘rib chiqmoqda. Sanchoning kelasi yozda "Manchester Yunayted" bilan mehnat shartnomasi yakunlanadi, shu bois u erkin agentga aylanadi.
Joriy mavsumda Sancho barcha musobaqalarda 2 ta o‘yinda maydonga tushdi, ammo samarali harakatlari bilan ajralib turmadi.
Transfermarkt portali mutaxassislari futbolchining narxini 28 million yevroga baholamoqda.
