Январь ойида "Манчестер Юнайтед" ҳимоячи Харри Магуайр билан шартномани 2026 йилнинг ярмигача узайтириш имкониятини ишга туширди. "Қизил иблислар" футболчини узоқроқ муддатга олиб қолмоқчига ўхшайди. Манкунианликлар Магуайр билан меҳнат шартномасини узайтириш масаласини муҳокама қилиши кутилмоқда. Бу ҳақда The Sun ёзмоқда.
2019 йилда "Манчестер Юнайтед" Магуайр учун 87 миллион евро сарфлади. Ўшандан бери ҳимоячи 251 та расмий ўйин ўтказиб, 16 та гол урди ва шерикларига 9 та голли узатмани амалга оширди.
"Манчестер Юнайтед" навбатдаги ўйинини 27 сентябрь куни "Брентфорд"га қарши сафарда ўтказади.
