"Реал" президенти Флорентино Перес жамоа учун янги суперюлдузни танлади. El Nacional нашрининг хабар беришича, Мадрид клуби хўжайини "Реал" либосида ярим ҳимоячи Витиньяни кўрмоқчи. Переснинг фикрича, Витинья "қаймоқранглилар" учун идеал футболчи ҳисобланади.
Манбага ишонадиган бўлсак, Перес аллақачон Витинья билан ишлайдиган агент Жорже Мендеш билан оғзаки келишувга эришган. Улар агар Витинья "ПСЖ"дан кетадиган бўлса, "Реал" унинг асосий манзили бўлишига келишиб олишган.
Аммо "ПСЖ" билан "Реал" Витинья трансфери бўйича келишиб олиши жуда қийин бўлади.
Нуфузли Transfermarkt портали 25 ёшли португални 80 миллион еврога баҳоламоқда. Португалиялик "Олтин тўп-2025" рейтингида учинчи ўринни эгаллади.
