“Навбаҳор”да Сергей Лушан ўрнини Шерзод Жўраев эгаллади. Бу ҳақда клуб матбуот хизмати хабар берди.
Шерзод Жўраев “Навбаҳор”нинг собиқ футболчиси, кўп йиллар клубда ёрдамчи сифатида фаолият олиб борган ҳамда мавсум стартидан шу кунгача ёшлар жамоасини бошқараётганди.
Шерзод Ҳамидович бошқарувида "Навбаҳор U-21" жамоаси ҳозирда мусобақа пешқадами сифатида турнир жадвалини бошқариб келаётган эди.













