"Барселона" бош мураббийи Ханс-Дитер Флик "Реал Овьедо"га қарши ўйинда жароҳат олган Рафинья Диаснинг ҳолатига баҳо берди.

Бразилиялик футболчи жароҳат олганликда гумон қилиниб, 65-дақиқада захирага олинди. Унинг ўрнига майдонга тушган Роберт Левандовски тез орада дарвозани ишғол қилиб, "кўк-анорранглилар"ни ҳисобда олдинга олиб чиқди - 2:1. Учрашув 3:1 ҳисобида каталонияликларнинг ғалабаси билан якунланди.

Ўйин тугагач, журналистлар Фликдан Рафинянинг жароҳати ҳақида сўрашди.

"Ўйлашимча, у билан ҳаммаси жойида, аммо биз аниқ ҳолатни билиш учун текширув натижаларини кутишимиз керак," - дея немис мураббийининг жавобини келтиради The Touchline.

Якшанба куни "Барса" Ла Лиганинг навбатдаги тур учрашувини ўтказади - рақиб "Реал Сосьедад".