Пайшанба куни "Барселона" Ла Лига доирасида сафарда "Реал Овьедо" устидан ғалаба қозонди (3:1). Роберт Левандовски 65-дақиқада захирадан майдонга тушди ва 70-дақиқадаёқ "кўк-анорранглилар"ни ҳисобда олдинга олиб чиқди.
"Мавсумолди якунида жароҳат олдим, шунинг учун формага кириш учун вақт керак бўлди. Ҳозир ўзимни яхши ҳис қиляпман. Олдинда кўплаб ўйинлар бор, сабр-тоқатим етарли. Мен учун энг муҳими - гол уриш ва жамоага ёрдам бериш," - дейди интервьюда 37 ёшли футболчи.
Роберт Левандовски Испания чемпионатининг жорий мавсумида бешта ўйинда учта гол урди.
