Москванинг "Динамо" клуби ва Португалия терма жамоасининг собиқ яримҳимоячиси Манише Роман Абрамович клубни сотганидан кейин Лондоннинг "Челси" клуби тақдири ҳақида фикр билдирди. Эслатиб ўтамиз, Абрамович 19 йил - 2003 йилдан 2022 йилгача "Челси" хўжайини бўлган.
- Нима деб ўйлайсиз, Боулида Абрамовичдан ўтиб кетиш ва клуб тарихига кўпроқ ҳисса қўшиш имконияти борми?
- Бу қийин бўлади, лекин амалга ошириш мумкин. Абрамович "Челси"ни дунёнинг топ клубига айлантирди. Энди чемпионликни қўлга киритиш, яхши футболчиларни қўлга киритиш ва умуман Абрамовичнинг ишини давом эттириш қолди. Бу осон бўлмайди, чунки Роман "Челси"ни дунёнинг энг буюк клубига айлантирди", - дея Манишенинг сўзларини келтиради "Советский спорт."
Манише 2005 йилнинг ёзидан қишигача "Динамо"да ўйнаган, шундан сўнг ижара асосида Лондоннинг "Челси" клубига ўтган. Португалиялик футболчи фаолиятини 2011 йилда Лиссабоннинг "Спортинг" клуби футболчиси сифатида якунлаган.
