Moskvaning "Dinamo" klubi va Portugaliya terma jamoasining sobiq yarimhimoyachisi Manishe Roman Abramovich klubni sotganidan keyin Londonning "Chelsi" klubi taqdiri haqida fikr bildirdi. Eslatib o‘tamiz, Abramovich 19 yil - 2003 yildan 2022 yilgacha "Chelsi" xo‘jayini bo‘lgan.
- Nima deb o‘ylaysiz, Boulida Abramovichdan o‘tib ketish va klub tarixiga ko‘proq hissa qo‘shish imkoniyati bormi?
- Bu qiyin bo‘ladi, lekin amalga oshirish mumkin. Abramovich "Chelsi"ni dunyoning top klubiga aylantirdi. Endi chempionlikni qo‘lga kiritish, yaxshi futbolchilarni qo‘lga kiritish va umuman Abramovichning ishini davom ettirish qoldi. Bu oson bo‘lmaydi, chunki Roman "Chelsi"ni dunyoning eng buyuk klubiga aylantirdi", - deya Manishening so‘zlarini keltiradi "Sovetskiy sport."
Manishe 2005 yilning yozidan qishigacha "Dinamo"da o‘ynagan, shundan so‘ng ijara asosida Londonning "Chelsi" klubiga o‘tgan. Portugaliyalik futbolchi faoliyatini 2011 yilda Lissabonning "Sporting" klubi futbolchisi sifatida yakunlagan.
