Нуфузли инсайдер Фабрицио Романо "Манчестер Сити"нинг истиқболли вингери Савиньо клуб билан шартномасини узайтиришга яқинлашаётганини маълум қилди. Тез орада 21 ёшли бразилиялик янги узоқ муддатли шартнома имзолайди.
Таъкидланишича, тафсилотларни муҳокама қилишга жалб қилинган томонлар музокараларнинг якуний босқичида. Маълум бўлишича, "шаҳарликлар" раҳбарияти ёз охирида Лондоннинг "Тоттенхэм" клубидан тушган икки таклифни рад этганидан сўнггина Савиньонинг келажаги борасида якуний қарорга келган.
Жорий мавсумда Савиньо "Манчестер Сити" сафида барча мусобақаларда 4 та ўйинда битта гол урди.
