"Манчестер Сити" шанба оқшомида "Бёрнли"ни ўз майдонида қабул қилади.
"Шаҳарликлар" устози Пеп Гвардиола рақиб таркибидаги Кайл Уокер ҳақида ўз фикрларини билдирди.
«Ишончим комилки, Уокерни кўришдан ҳамма хурсанд бўлади. У ақл бовар қилмайдиган йилларни шу ерда ўтказди. У тўққиз ёки ўн йил давомида бизнинг бу ердаги асосий ўнг қанот ҳимоячимиз эди. Ишончим комилки, у мухлисларимиздан олқишлар эшитади. У бунга лойиқ. У тарихдаги энг буюк қанот ҳимоячиларидан бири," - деди Гвардиола матбуот анжуманида.
"Манчестер Сити" - "Бёрнли" учрашуви 27 сентябрь куни Тошкент вақти билан соат 19:00да бошланади.
