Матбуотда ҳужумчи Карим Бензема "Бенфика"га ўтиши ва у ерда Жозе Моуриньо билан бирлашиши мумкинлиги ҳақида маълумотлар пайдо бўлди. Португалиялик мураббий миш-мишларга изоҳ берди.
"Биз Бензема билан ёзда, унинг жамоаси билан ўртоқлик ўйини бўлганида бироз гаплашдик. У ўша ерда қолади. У бахтли, унвонларни қўлга киритмоқда ва яхши молиявий аҳволда. Шу ёшингда Европадан Саудия Арабистонига кетаётганингда, қайтиш мақсадинг йўқ деб ўйлайман. Агар гап ёш футболчилар ҳақида кетаётган бўлса, ҳа. Аммо гап Карим каби футболчилар ҳақида кетаётган бўлса - йўқ," - деди Моуриньо матбуот анжуманида.
Карим Бензема "Ал-Иттиҳод" сафида 2023 йилнинг ёзидан буён тўп тепиб келмоқда.
