“Атлетико” бош мураббийи Диего Симеоне Мадрид дербиси олдидан ким яхшироқ формада эканлиги ҳақида фикр билдирди.

Журналистлар аргентиналик мутахассисдан Хулиан Альварес билан Килиан Мбаппени ўзаро таққослашни сўради.

“Мен ўйинчиларни солиштирмоқчи эмасман. Фақат шуни айтишим мумкинки, Хулиан катта фидойилик билан ишлайди. Жамоадошлари ҳам Альвареснинг ҳиссасини қадрлашади. Умид қиламанки, у дербида юқори савияда ўйнайди”, - деди Симеоне.

Жорий мавсумда форвард “матрасчилар” сафида барча турнирларда 9та ўйинда майдонга тушиб, 4та гол урди ва 2та голли узатмани амалга оширди. Мбаппе 10та ўйинда 10та гол уриб, 1та ассист қайд этган.