Қозонда давом этаётган бутунжаҳон Универсиадаси мусобақаларида эркин кураш мусобақаларига ҳам старт берилди. Терма жамоамиз шарафини бугунги учрашувларда Ихтиёр Наврўзов Умиджон Исмановлар ҳимоя қилишмоқда.
66кг.да гиламга чиққан Ихтиёр Наврўзов дастлабки босқичда грузиялик Акаки Моцонелидзени 5:0 ҳисобида мағлубиятга учратганди. Бироқ нимчорак финалда Наврўзов арманистонлик Девид Сафарянга имкоинятни бой берди. Девид Сафарян қолган учрашувларда ҳам ғалаба қозониб финал йўлланмасини қўлга киритгани сабаб, Ихтиёр Наврўзов бронза медаллари учун курашиш имкониятини қўлга киритди. Бронза медаллар учун курашувчи гуруҳдаги дастлабки учрашувда Наврўзов қирғистонлик Улуқмон Маматовдан 3:1 ҳисобида устун келди.
84 кг. вазн тоифасида баҳсларни бошлаган биринчи раунддан озод қилинганди. Исманов иккинчи раундда латвиялик Армандс Звирбулисни мағлуб этиб чорак финал йўлланмасини қўлга киритди. Чорак финалда эса эронлик Сафарали Комилжоний устидан 4:1 ҳисобида ғалаба қозонди. Бироқ Исманов ярим финалда руминиялик Жоржита Стефанга 1:3 ҳисобида имкониятни бой бериб қўйди. Наврўзов энди учинчи ўрин учун баҳсда молдовалик Пётр Януловга қарши гиламга чиқади.