"Барселона" ярим ҳимоячиси Педри собиқ жамоадоши Серхио Бускетснинг футболдан кетиши ҳақидаги хабарларга муносабат билдирди.
Айни пайтда "Интер Майами" шарафини ҳимоя қилаётган 37 ёшли хавбек фаолиятини шу йил охирида якунлашини эълон қилди.
"Мен бу лаҳза эртами-кечми келишини билардим, лекин буни қабул қилиш жуда оғир. Фаолиятингизни якунлаяпсиз, лекин сизнинг меросингиз асрларга қолади. Ишончим комилки, келажакда ҳам йўлларимиз туташади. Янги ҳаётдан завқланинг. Мен ва оилам сизга энг яхши тилакларни билдирамиз," - деб ёзди Педри ижтимоий тармоқда.
Серхио Бускетс фаолиятининг кўп қисмини "Барселона"да ўтказган ва у ерда 700 дан ортиқ ўйинда иштирок этган.
