FourFourTwo портали журналистлари "Олтин тўп" тарихидаги энг катта адолатсизликлар рейтингини эълон қилди.
Биринчи ўринни "Бавария"нинг собиқ ҳужумчиси, ҳозирда "Барселона" футболчиси Роберт Левандовски эгаллади. Таҳлилчиларнинг фикрича, 2021 йилда мукофотни аргентиналик Лионель Месси эмас, айнан у олиши керак эди.
Иккинчи ўринда "Арсенал"нинг афсонавий француз собиқ ҳужумчиси Тьерри Анри жойлашди. Ҳужумчи 2003 йилда "Олтин тўп"га кўпроқ муносиб деб топилган. Ўша пайтда мукофотни чехиялик ярим ҳимоячи Павел Недвед қўлга киритган эди.
Кучли учликни Нидерландия терма жамоаси ва Миланнинг "Интер" клуби собиқ ярим ҳимоячиси Уэсли Снейдер якунлади. Портал маълумотларига кўра, у 2010 йилда Лео Мессига қараганда кўпроқ мукофотга лойиқ бўлган.
