France Football нашри томонидан ўтган мавсумнинг энг яхши дарвозабони учун ўтказилган овоз бериш натижалари эълон қилинди. Эслатиб ўтамиз, совринни "ПСЖ" билан 2024/25-йилги мавсумда Чемпионлар лигасида ғолиб чиққан "Манчестер Сити" дарвозабони Жанлуижи Доннарумма қўлга киритди.
"Олтин тўп" матбуот хизмати хабарига кўра, Доннарумма овоз бериш жараёнида энг яқин таъқибчисидан 4 карра кўпроқ овоз олган (486 очко). Иккинчи ўринни "Ливерпуль" дарвозабони Алиссон Бекер (120) эгаллаган бўлса, учликни "Интер" аъзоси Янн Зоммер (112) якунлаб берди. Қолган барча даъвогарлар 70 баллик маррага ҳам ета олишмади.
Доннарумма ўтган мавсумда барча мусобақаларда 47та ўйинда майдонга тушиб, 43та гол ўтказиб юборган ва 17 марта ўз дарвозаси дахлсизлигини сақлаб қолган.
