"Бавария" ҳужумчиси Харри Кейн "Тоттенхэм"да ўйнаган пайтида Алан Ширернинг рекордига яқинлашгани ҳақида фикр билдирди.

"Блэкберн" ва "Ньюкасл"нинг машҳур собиқ ҳужумчиси Англия Премьер-лигасида 260 та гол урган бўлиб, ҳамон пешқадамликни сақлаб келмоқда. Кейн 213 та гол билан иккинчи ўринда турибди. "Бавария"нинг ҳозирги юлдузига бу рекордни янгилаш учун Англияда яна бир неча мавсумни ўтказиш керак бўлади.

"Мен бу ҳақда ўйламайман. Англиядан кетаётганимда, балки бир кун қайтиб келиб, рекордни янгилашим мумкинлигини ўйлагандим. Аммо ҳозир "Бавария"да ўйнаш менга жуда ёқяпти," - деб Кейннинг сўзларини келтиради журналист Мартин Волкмар.

"Тоттенхэм"нинг собиқ футболчиси Мюнхен жамоаси таркибида барча мусобақаларда 104 та ўйинда майдонга тушиб, 100 та гол урган.