Лондоннинг "Вест Хэм" клубига ким бош мураббий бўлиши маълум бўлди.
27 сентябрь куни "болғачилар" матбуот хизмати Грэм Поттер ишдан бўшатилгани ҳақида расман хабар берди.
Журналист Бен Жейкобснинг таъкидлашича, "Вест Хэм" раҳбарияти "Ноттингем Форест"нинг собиқ устози Нуну Эшпириту Сантуни тайинлашга келишиб олган. Бугуннинг ўзида мураббий илк машғулотини ўтказади ва "Эвертон"га қарши бўлажак ўйинда жамоани бошқаради.
Ортда қолган 5 турдан сўнг "Вест Хэм" Англия Премьер-лигаси турнир жадвалида 19-ўринни эгаллаб турибди. Жамоа ҳисобида бор-йўғи 3 очко мавжуд.













