"Барселона" ҳужумчиси Ламин Ямал Испания чемпионатининг навбатдаги турида "Реал Сосьедад"га қарши майдонга тушади. Бу ҳақда каталонияликлар бош мураббийи Ханс-Дитер Флик айтиб ўтди.
"Ламин Ямал эртага майдонга тушиши аниқ. У асосий таркибда ўйнайдими ёки захирадан тушадими, бундан қатъи назар, майдонга тушади. Ўйлашимча, у тўлиқ тайёр, жароҳатнинг қайталаниш хавфи йўқ," - деди Флик матбуот анжуманида.
Эслатиб ўтамиз, Ямал сентябрь ойидаги халқаро танаффус вақтида жароҳат олган ва шундан буён "Барселона" сафида ўйнамаган эди.
Эртага, 28 сентябрь куни "Барселона" Испания Ла Лигаси 7-тури доирасида "Реал Сосьедад"ни қабул қилади. Старт ҳуштаги Тошкент вақти билан соат 21:30 да янграйди.
