"Манчестер Сити" ярим ҳимоячиси Бернарду Силва келаси йилдаёқ Саудия Арабистонига кўчиб ўтиши мумкин.

Айни пайтда айнан португалиялик футболчи Саудия Арабистони чемпионати грандларининг устувор трансфер мақсади ҳисобланади, дея хабар бермоқда журналист Бен Жейкобс. "Шаҳарликлар" хавбеки билан икки йилдан буён тўхтаб-тўхтаб музокаралар олиб борилмоқда. Томонлар тўрт йиллик шартномани муҳокама қилган.

Саудия клублари қизиқишлари рўйхатидан Бруну Фернандеш ("Манчестер Юнайтед"), Харри Кейн ("Бавария") ва Андрей Сантос ("Челси") ҳам ўрин олган.

Бернарду Силванинг "Манчестер Сити" билан амалдаги шартномаси келаси ёзда ўз ниҳоясига етади. Transfermarkt портали 31 ёшли футболчининг нархини 38 млн еврога баҳоламоқда.