Шанба куни "Ливерпуль" АПЛнинг жорий мавсумидаги илк мағлубиятини қабул қилиб олди. Арне Слот жамоаси сафарда "Кристал Пэлас"га 1:2 ҳисобида имкониятни бой бериб қўйди. Ўйиндан сўнг нидерландиялик мутахассис рақиб ҳақида фикр билдирди.
"Кристал Пэлас"нинг ўйин услуби уларнинг футболчиларига жуда мос келади. Улар қарши ҳужумларда паст блок ва тезкор ўйинчилардан фойдаланадилар, уларда кучли Матета бор. Биринчи бўлимда кўп муаммоларга дуч келдик. Қолган вақтда тўпга кўп эгалик қилдик, аммо бу паст блокни ёриб ўтиш жуда қийин бўлди.
Ўтказилган ҳар бир ўйиндан сабоқ оламиз. Бундай ўйиндан кейин биз янада кўпроқ нарса олишимиз мумкин," - деди Слот.
Премьер-лиганинг навбатдаги турида "Ливерпуль" сафарда "Челси"га қарши баҳс олиб боради.
