"Манчестер Сити" ярим ҳимоячиси Родри шанба куни бўлиб ўтган Премьер-лига доирасидаги "Бёрнли"га қарши ўйинни ўтказиб юборди. Родри ҳатто "шаҳарликлар"нинг захира ўйинчилари орасида ҳам йўқ эди. Ўйиндан кейин жамоа бош мураббийи Хосеп Гвардиола қайдномада хавбек йўқлиги ҳақида изоҳ берди.

"Родрининг йўқлиги? Унинг тиззаси қанчалик оғриётганини ҳозир билмайман. У бизга ўйнашга тайёр эмаслигини айтди," - деди Гвардиола BBC’нинг Match of the Day дастурида.

Эслатиб ўтамиз, "Манчестер Сити" ўз майдонида "Бёрнли"ни 5:1 ҳисобида мағлуб этди. Хосеп Гвардиола жамоаси Премьер-лиганинг навбатдаги турида "Брентфорд" меҳмони бўлади. Ўйин 5 октябрь куни бўлиб ўтади.