Арне Слот "Кристал Пэлас"нинг иккинчи голи учун "Ливерпуль" ҳимоячиларини танқид қилди.
"Қизиллар" АПЛ 6-туридан ўрин олган ўйинда 1:2 ҳисобида мағлуб бўлди. Слот жамоаси 97-дақиқада 2-тўпни ўтказиб юборди.
Бу вазиятда Милош Керкез тўпни жарима майдони ичидан узоқлаштира олмади, Жереми Фримпонг эса тўп узоқлаштирилмаган ҳолатда қарши ҳужумга югуришга ҳаракат қилди.
"Биз ҳимоядаги ҳаракатларимиз учун фақат ўзимизни айблашимиз мумкин.
Футболчиларимиздан бири қарши ҳужумда ўйнашни хоҳлаб, жарима майдонимиздан чиқиб кетишга қарор қилди. Вақт йўқ эди, фақат ҳимояланиш керак эди.
Эҳтимол, биз ҳужумга ҳаддан ташқари эътибор қаратгандирмиз - ёки бу бизнинг ўйинчиларимиздан бирининг хатоси эди," - деди "Ливерпуль" бош мураббийи.
