"Милан" бош мураббийи Массимилиано Аллегри ҳамон "Наполи"ни чемпионликка асосий даъвогар деб ҳисоблашини айтди.

Якшанба куни "россонерилар" ўз уйида Антонио Конте жамоасини 2:1 ҳисобида мағлуб этишди. Майдон эгалари танаффусгача 2:0 ҳисобида олдинда борган бўлса, 57-дақиқада бир ўйинчи кам бўлиб қолди. Қолган вақтда неаполликлар фақат бир марта гол уришга муваффақ бўлди.

"Ҳа, "Наполи"ни аввалгидек скудетто учун курашда фаворит деб ҳисоблайман. Шу жумладан, у амалдаги чемпион бўлгани учун ҳам. Ўйинимизни босқичма-босқич яхшилашда давом этишимиз керак," - деди Аллегри матбуот анжуманида.