"Челси" бош мураббийи Энцо Мареска ҳозирча истеъфога чиқарилмайди. Сўнгги икки ҳафта ичида "кўклар" "Бавария", "Манчестер Юнайтед" ва "Брайтон"дан мағлубиятга учради, Лига Кубогида эса фақат "Линкольн Сити"ни мағлуб эта олди.
Журналист Метт Лоунинг ёзишича, Лондон клуби раҳбарияти ҳамон италиялик мураббийга тўлиқ ишонмоқда - хўжайинлар натижаларга кўплаб жароҳатлар ва четлатишлар таъсир қилганини тушуниб турибди.
Қайд этилишича, Маресканинг олдида Премьер-лиганинг жорий мавсумида жамоа билан тўртликда якунлаш вазифаси турибди. Олти турдан сўнг "Челси" 8 очко билан саккизинчи ўринда бормоқда.
