"Барселона" бош мураббийи Ханс-Дитер Флик Ламин Ямал ва "Олтин тўп" ҳақида фикр билдирди.
18 ёшли вингер ғалабага овоз беришда фақат совринни қўлга киритган Усмон Дембеледан ортда қолди. Якшанба куни Ямал жароҳатидан сўнг майдонга қайтди: у "Реал Сосьедад"га (2:1) қарши ўйиннинг 58-дақиқасида захирадан майдонга тушди ва бир неча сониядан сўнг Роберт Левандовскига голли узатмани амалга оширди.
"Ямал "Олтин тўп"га лойиқмиди? Энди ҳеч нарсани ўзгартириб бўлмайди, лекин унда келаси йили ғалаба қозониш учун барча имкониятлар бор ва ишонаманки, у имкониятдан фойдаланади. Бу соврин ҳар бир футболчи учун муҳим, жамоамизда кўпчилик бу соврин учун курашишга лойиқ," - деди Флик матбуот анжуманида.
