Португалиялик машҳур собиқ футболчи, ҳозирда "Барселона" спорт директори бўлиб ишлаётган Деку Криштиану Роналду ҳақида ўз фикрларини билдириб ўтди.
40 ёшли форвард миллий жамоа ва Саудия Арабистонининг "Ан-Наср" клуби сафида мунтазам гол уришда давом этмоқда.
"Криштиану - фидойилик, амбициялар ва мотивация ҳақида гапирадиган бўлсак, футбол тарихидаги энг яхшиси. У билан Португалия терма жамоасида ҳаммаси яхши бўлади. Роналду терма жамоага жуда мос келади ва мураббий фақат тўғри мувозанатни топиши керак. Ўйлашимча, Португалия - бўлажак жаҳон чемпионатининг асосий фаворитларидан бири," - деди Деку яқинда берган интервьюсида.
Февраль ойида Криштиану Роналду 41 ёшга тўлади. Унинг "Ан-Наср" билан шартномаси 2027 йилнинг ёзигача мўлжалланган.
