"Барселона" дарвозабони Войцех Шесни кеча майдонга тушди.
35 ёшли футболчи "кўк-анорранглилар"нинг асосий таркибида жароҳат олган Жоан Гарсияни алмаштирди.
Якшанба куни бўлиб ўтган “Реал Сосьедад”га қарши ўйин каталонияликларнинг 2:1 ҳисобидаги ғалабаси билан якунланди.
"Ушбу баҳсда ўйнаганимдан хурсанд бўлдим дея олмайман. Жоан Гарсия билан содир бўлган воқеадан афсусдаман.
Унинг жароҳати ҳамма нарсани ўзгартириб юборади. Умид қиламанки, у тез орада қайтади ва бизда узоқ вақт ўйнайди", - дея Шеснининг ўйиндан кейинги интервьюсидан иқтибос келтирди Barca Universal.
