Мадриднинг "Реал" клуби вингери Родриго ёзги трансфер бозорида катта талабга эга эди, аммо жамоани тарк этмади.
Матбуотда бошланғич таркибда жой йўқлиги учун бразилиялик футболчининг сотилиши ҳақида тинимсиз гап-сўзлар бўлиб турди. Журналист Экрем Конурнинг ёзишича, Родригони "Бавария" ўз сафига қўшиб олмоқчи бўлган, аммо "қаймоқранглилар" музокаралардан қатъиян бош тортган. "ПСЖ", "Манчестер Сити" ва "Челси" ҳам вазиятни диққат билан кузатиб боришди, аммо футболчида вазиятни ўзгартириш истагини кўришмади.
Родриго Европа грандлари эътиборида қолмоқда, дея таъкидлайди манба. Transfermarkt экспертлари 24 ёшли футболчининг нархини 90 млн еврога баҳоламоқда.
