Madridning "Real" klubi vingeri Rodrigo yozgi transfer bozorida katta talabga ega edi, ammo jamoani tark etmadi.
Matbuotda boshlang‘ich tarkibda joy yo‘qligi uchun braziliyalik futbolchining sotilishi haqida tinimsiz gap-so‘zlar bo‘lib turdi. Jurnalist Ekrem Konurning yozishicha, Rodrigoni "Bavariya" o‘z safiga qo‘shib olmoqchi bo‘lgan, ammo "qaymoqranglilar" muzokaralardan qat’iyan bosh tortgan. "PSJ", "Manchester Siti" va "Chelsi" ham vaziyatni diqqat bilan kuzatib borishdi, ammo futbolchida vaziyatni o‘zgartirish istagini ko‘rishmadi.
Rodrigo Yevropa grandlari e’tiborida qolmoqda, deya ta’kidlaydi manba. Transfermarkt ekspertlari 24 yoshli futbolchining narxini 90 mln yevroga baholamoqda.













