"Барселона" бош мураббийи Ханс-Дитер Флик чап қанот ҳимоячиси Жерар Мартиннинг ўйинини эътироф этди.
23 ёшли футболчи 78-дақиқагача ўйнаб, "кўк-анорранглилар"га "Реал Сосьедад"ни мағлуб этишга ёрдам берди (2:1).
"Мартин ҳеч қачон ҳафсалани пир қилмайди, ҳар доим майдонда борини беради. У қанчалик кўп ўйнаса, шунчалик яхши ишлайди - айниқса, бу асосий ўйинларга тааллуқли. У икки йил олдин иккинчи жамоада ўйнаганида ўзини кўрсатган эди. Жуда меҳнаткаш ва ақлли футболчи," - деди Флик ўйиндан кейинги интервьюсида.
Жерар Мартин жорий мавсум "Барселона"нинг 6 та ўйинида иштирок этди.
