Қозоғистоннинг "Қайрат" клубининг тажрибали ҳимоячиси Александр Мартинович Европа Чемпионлар Лигаси умумий босқичининг 2-тури доирасида Мадриднинг "Реал" клубига қарши ўйиндан нималар кутаётгани ҳақида гапирди.
"Бу биз кутган катта ўйин. Майдонга чиқиб, футболдан, 100 фоиз ажойиб бўладиган атмосферадан завқ олишни хоҳлайман. Роҳатланишни истайман," - деб изоҳ берди 38 ёшли футболчи Qsport эфирида.
"Қайрат"нинг "Реал"га қарши ўйини 30 сентябрь, сешанба куни бўлиб ўтади. Учрашув Тошкент вақти билан соат 21:45 да бошланиши режалаштирилган.
