"Манчестер Юнайтед" бош мураббийи Рубен Аморим жамоанинг муваффақиятсизлигидан қаттиқ изтироб чекмоқда.
Шанба куни "қизил иблислар" Премьер-лигада "Брентфорд"га имкониятни бой бериб, навбатдаги мағлубиятни қабул қилиб олди (1:3). Жамоа турнир жадвалида 14-ўринга тушиб кетди.
Centredevils хабарига кўра, португалиялик психологик муаммоларга дуч келган: "Олд Траффорд"даги фаолияти уни руҳан синдирган ва энди у "аввалги қиёфасининг арвоҳи"га ўхшайди. Манбанинг қайд этишича, клубда устозни "ёлғиз одам" деб ҳам аташади.
Эслатиб ўтамиз, Рубен Аморим ўз лавозимини ўтган йилнинг ноябрь ойида Лиссабоннинг "Спортинг" клубидан кетганидан сўнг қабул қилиб олган эди.
