"Нюкасл" бош мураббийи Эдди Хау жамоа ҳимоячиси Тино Ливраментонинг жароҳати ҳақида гапирди.
Ёзда "Манчестер Сити" қизиқиш билдирган 22 ёшли ҳимоячи Англия Премьер-лигасининг 7-туридан ўрин олган "Арсенал"га (1:2) қарши ўйинда тиззасидан жароҳат олди. Футболчи мустақил равишда майдонни тарк эта олмади.
"Мен хавотирдаман, чунки Ливраменто биз учун жуда муҳим. Бу мавсум бошида у ажойиб эди. У ажойиб ўйинчи, шунинг учун уни йўқотсак, бу катта зарба бўлади," - деди Хау журналистларга.
Жорий мавсумда Ливраменто барча мусобақаларда 8 та ўйинда майдонга тушди ва 1 та голли узатмани амалга оширди.
