"Барселона" клуби ўзининг расмий сайтида ярим ҳимоячи билан шартномани узайтирганини эълон қилди. Душанба куни Марк Берналь 2029 йилнинг ярмигача мўлжалланган меҳнат шартномасини имзолади.
Берналь "Барселона" академияси тарбияланувчиси ҳисобланади. Марк "кўк-анорранглилар"нинг асосий жамоаси сафида бешта расмий ўйин ўтказди. Уларда ёш ҳавбек шеригига битта самарали узатма амалга оширди.
"Барселона" Ла Лига пешқадами бўлиб турибди - Ханс-Дитер Флик жамоаси 7 турда 19 очко тўплаган. "Кўк-анорранглилар" навбатдаги ўйинни 1 октябрь, чоршанба куни ўз майдонида "ПСЖ"га қарши ўтказади.
