Хави яқин келажакда мураббийлик фаолиятига қайтиши мумкин. Мутахассис "Манчестер Юнайтед" мураббийлик лавозимида ишлашга қизиқмоқда. Бу ҳақда нуфузли инсайдер Фабрицио Романо маълум қилди.
"Хави Премьер-лигани ўрганмоқда, у ерда нима бўлаётганини кузатмоқда. У еврокубокларсиз ҳам дарҳол "Манчестер Юнайтед"ни қабул қилиб олишга тайёр" - деди Романо YouTube’даги каналида.
"Манчестер Юнайтед"нинг ҳозирги бош мураббийи Рубен Аморим ёмон натижалар туфайли босим остида қолмоқда. Дам олиш кунлари "қизил иблислар" "Брентфорд"га 1:3 ҳисобида ютқазди.
Айни пайтда "Манчестер Юнайтед" Премьер-лига турнир жадвалида 14-ўринни эгаллаб турибди.
