"Сурхон" бош мураббийи Февзи Давлетов "Пахтакор"га қарши ўйиндан кейин ўтказилган матбуот анжуманида иштирок этиб, журналистларнинг саволларига жавоб берди.

Ўйин ҳақида

— Мен ўйинни икки хил бўлимга бўлган бўлардим. Биринчи бўлимда жамоа баландроқ ўйнади ва рақиб дарвозасига яқинроқ ҳаракат қилди. Биз вазиятлар яратишга ҳаракат қилдик, кўрдикки, рақиб дарвозасига яқинлашувлар бўлди, лекин ҳужумларни якунлашда охирги пас билан муаммолар кузатилди.

Иккинчи бўлимда эса кўпроқ ҳимоя ҳақида ўйлашга тўғри келди. Ўйинни кучайтириш учун ўзгаришлар қилмоқчи бўлдик, аммо бу амалга ошмади. Афсуски, сўнгги вазиятда, гол ўтказиб юборганимизда, ҳимоя Сергеевни назоратдан чиқариб қўйди. Бундай ўйинларни ютиш учун гол уриш керак. Биз кетма-кет учинчи ўйинда гол ура олмаяпмиз.

— Февзи Ризаевич, сизнинг ўзингиз профессионал футболчи бўлгансиз ва юқори даражада ўйнагансиз. Сергеевнинг голи бўлган сўнгги вазиятни қандай баҳолайсиз?

— Ҳимоячилар охиригача ишламади. Бундай вазиятда ҳимоячи доимо футболчи билан бирга ўйнаши керак. Мен танаффусда ҳимоя чизиғини баланд кўтармаслик кераклигини айтган эдим. Биз бу ҳолатни таҳлил қиламиз ва керакли хулосаларни чиқарамиз.

— Бугун "Сурхон"да бир нечта яхши вазиятлар бўлди. Хусусан, Жумаевнинг узоқ масофадан берган зарбаси дарвоза тўсинигига тегди. Аммо жамоа кетма-кет учинчи ўйинда гол ура олмаяпти. Бу нимага боғлиқ?

— Ўзингиз ҳам жуда яхши биласиз, сўнгги мавсумларда бизнинг футболчилар қанча гол урганини. Лекин фақат битта Рустам Турдимуродовга умид қилиб бўлмайди. Бошқалар ҳам ёрдам бериши керак. Бу – жамоавий ўйин. Ўйнаш ва ютитиш учун гол уриш зарур. Вазиятлардан фойдаланиши бўлиши шарт.

— Жамоа сардори Беҳзод Шамсиев бугун таянч ярим ҳимоячи позициясига қайтди. У анча вақтдан бери бу зонада ўйнамаган бўлса-да, бугун яхши таассурот қолдирди. Унинг ўйини бўйича баҳo беринг?

— Жамоанинг икки марказий ярим ҳимоячиси жароҳат сабаб сафдан чиқди. Шунинг учун биз Шамсиев таянч зонада ўйнашига келишдик. Аслида, бу позиция унга бегона эмас. Менимча, у бугун яхши ўйин кўрсатди.