"Барселона" мураббийи Ханс-Дитер Флик Ламин Ямални Европа футболидаги энг ҳал қилувчи ўйинчи деб ҳисоблайсизми, деган саволга жавоб берди.
"Менга бу «супер, супер» деган гаплар ёқмайди... Бу менга умуман маъқул эмас. Унинг атрофидаги шов-шувлар ҳам менга ёқмайди. У ҳали атиги 18 ёшда. У тиришқоқлик билан меҳнат қилишга эътиборини қаратиши лозим. Унда истеъдод бор ва у аллақачон жуда юқори даражага эришган. Бироқ кейинги босқичга кўтарилиш учун, яна бир-икки поғона юқорига чиқиш учун у ишлашда давом этиши керак. Футбол фақат ҳужумдан иборат эмас, балки ҳимоя ҳам муҳимдир", - деди Флик матбуот анжуманида.
1 октябрь чоршанба куни "Барселона" ўз майдонида Чемпионлар лигаси доирасида "ПСЖ"га қарши ўйин ўтказади.
