"Арсенал" спорт директори клубнинг асосий ҳимоячиси билан шартномани узайтиргани ҳақида фикр билдирди.
Андреа Берта футболчини мақтади ва у дунёнинг энг яхши ўйинчиларидан бири эканини айтди.
"Вильям ўз келажагини биз билан боғлаганидан ва биз бу ерда жамоа қурилишнинг бир қисми бўлганидан жуда хурсандмиз. Сўнгги уч мавсумда Вильям ақл бовар қилмайдиган ҳимоячига айланди, унинг ўзини тута билиши, ақл-заковати ва жисмоний тайёргарлиги уни дунёдаги энг яхши ҳимоячилардан бирига айлантиради. У янги марраларни забт этиш учун "Арсенал"да ўсишда давом этади.
Унинг барқарорлиги, етуклиги ва ўйинлар боришига таъсир ўтказа олиши ҳамон бизнинг катта устунлигимиз бўлиб қолади ва биз ундан ҳимоямиз марказида яна кўплаб ажойиб ўйинлар ўтказишини интиқлик билан кутамиз," - деди "Арсенал" спорт директори.
