"Ливерпуль"нинг таниқли собиқ ҳимоячиси Жейми Каррагер Чемпионлар лигасида "Галатасарой"дан учралган мағлубиятдан (0:1) сўнг жамоани танқид қилди.
"Топ жамоани кўрмаяпман. "Ливерпуль" футбол эмас, баскетбол ўйнайди ва мен буни "Борнмут" билан биринчи ўйиндан кейин Слотга айтдим. Менимча, ҳозир мураббий унга нима учун пул тўланаётганини кўрсатиши керак ва у буни тушунади," - деди Каррагер "қизиллар"нинг Туркиядаги муваффақиятсизлигидан кейин.
"Ливерпуль" учун "Галатасарой"дан мағлубият кетма-кет иккинчиси бўлди - шанба куни мерсисайдликлар Премьер-лигада "Кристал Пэлас"га ютқазганди (1:2).
