"Ливерпуль"нинг собиқ ҳимоячиси, ҳозирда телевидение шарҳлловчиси Жейми Каррагер мерсисайдликлар жамоасининг янги аъзоси кутилган натижани кўрсатмаётганини айтди.
"Вирц бу жиҳатдан алоҳида ажралиб туради. Флориан ҳозирча ўзининг энг яхши ҳолатида эмас. Унинг мослашиши учун ҳали кўп вақт бор, аммо ҳозир уни таркибдан чиқариш керак. Шундан сўнг, "Ливерпуль" ўтган мавсумда кўрсатган ўйинига қайтади. Ҳозир эса майдонда тартибсизлик ҳукм сурмоқда," - дея мутахассиснинг сўзларини Sky Sports келтирмоқда.
Вирц ёзда "Байер"дан "Ливерпуль"га ўтган эди. Трансфер суммаси 125 миллион еврони ташкил этганди. Флориан "қизиллар" билан беш йиллик меҳнат шартномасини имзолаган.
