"Тоттенхэм" таянч ярим ҳимоячиси Родриго Бентанкур тез орада клуб билан янги меҳнат шартномасини имзолайди. Бу ҳақда Football London нашри хабар бермоқда.
Манбага кўра, Кристиан Ромеро билан шартнома узайтирилганидан сўнг, Бентанкурнинг янги шартномаси "шпорлар" учун устувор вазифа бўлган. Таъкидланишича, тез орада барча зарур ҳужжатлар имзоланади. 2022 йилда "Тоттенхэм" уругвайлик ярим ҳимоячини "Ювентус"дан 19 миллион еврога сотиб олганди.
Жорий мавсумда у барча мусобақаларда тўққизта ўйинда майдонга тушди.
28 ёшли Бентанкурнинг пойтахт клуби билан амалдаги шартномаси 2026 йилнинг июнига қадар имзоланган.
