"Бенфика" устози Жозе Моуриньо "Челси" футболчиси, яъни ҳужумкор ярим ҳимоячи Эстевао Виллианни алоҳида таъкидлаб ўтди. Бразилиялик футболчи ёзда "аристократлар" сафига қўшилганди. Эстевао ҳозир 18 ёшда.
"Эстевао - истеъдод. Одамлар "Челси"да тажрибасизлиги, рақобат йўқлиги туфайли унга мослашиш учун вақт керак бўлади, деб ўйлаши мумкин. Аммо у аллақачон юқори савияда ўйнамоқда ва катта салоҳиятга эга," - деди Моуриньо TNT Sports нашрига.
Сешанба оқшомида ЕЧЛ умумий босқич 2-туридан ўрин олган "Челси" - "Бенфика" баҳси бўлиб ўтди. Унда лондонликлар минимал 1:0 ҳисобида зафар қучди.
