Қозонда давом этаётган бутунжаҳон талабалар универсиадасида тобора ҳаяжонли дақиқалар яқинлашиб келмоқда.
Футбол баҳсларида ғолиблик учун даводарлик қиладиган тўртта жамоанинг номи аниқланди. Куннинг марказий ўйинида россиялик талаба ёшлар Канадани 4:1 ҳисобида мағлубиятга учратишди. Эътиборлиси, русларнинг иккита голига Қозоннинг «Рубин» жамоаси ҳужумчиси Владимир Дидюн муаллифлик қилди.
Шунингдек ярим финалга Буюк Британия, Франция ва қитъадошларимиз япониялик талабалар ҳам йўлланма олишди.
Ярим финал баҳслари 14-июль куни бўлиб ўтади. Россия Буюк Британия билан баҳс олиб борса, Япония финал йўлланмаси учун Францияга қарши майдонга тушади.
Универсиада-2013
Футбол
1/4 финал
Россия – Канада 4:1
Буюк Британия – Украина 1:0
Франция – Ирландия 0:0 (0:0, пенальти – 4:3)
Япония – Малайзия 4:0