«Барселона» бош мураббийи Ханс-Дитер Флик жамоасининг Чемпионлар лигаси умумий босқич 2-турида «ПСЖ» (1:2)га қарши учрашувдаги мағлубиятини изоҳлади.

«35-дақиқадан кейин «ПСЖ» ўйинни яхшироқ назорат қилди. Айрим футболчиларимиз жуда чарчаган эди — Педри, Френки… Лекин барчаси ўзини ўйинга тўлиқ берди. Ҳисоб 1:1 бўлганида ҳимояни яхшироқ ташкил этиш керак эди. Ўрганиш ва ривожланиш зарур. Иккинчи бўлимда бизда етарли ташкилотчилик йўқ эди. Шуғулланиш ва ўйинимизни такомиллаштириш керак — бундай ўйинлар олға силжишга ёрдам беради. 90 дақиқа давомида барқарор ўйнаш муҳим: бутун жамоа ҳам ҳимояланиши, ҳам ҳужум қилиши, тўп билан юқори даражада муомала қилиш, бўш зоналардан фойдаланиш, тўп назоратида қатнашиш зарур. «ПСЖ» сафида эса майдондан қандай фойдаланишни биладиган футболчилар бор. Биз улардан кўп нарсани ўрганишимиз мумкин», — деб Фликнинг сўзларини "Marca" келтирди.

Кейинги турда каталонияликлар «Олимпиакос» билан учрашади. Франция клуби эса Германиянинг «Байер»ига қарши майдонга тушади. Ҳар икки ўйин ҳам 21 октябрь куни бўлиб ўтади.