Лондоннинг "Арсенал" клуби бош мураббийи Микель Артета Чемпионлар лигаси доирасидаги "Олимпиакос"га (2:0) қарши ўйинда Мартин Эдегорнинг ҳаракатларига баҳо берди.
"Канонирлар" сардори ўйинни асосий таркибда бошлади ва узоқ вақтдан бери биринчи тўлиқ ўйнади. 92-дақиқада норвегиялик футболчи Букайо Саканинг голига ассистентлик қилди ва якуний ҳисобни ўрнатди.
"Эдегор феноменал эди. У ўйиннинг боришига сезиларли таъсир кўрсатди, ҳаракатларини кучайтиришда давом этди, ўзи ҳам гол уриши керак эди. Унинг бундай даражага қайтганини кўриш жуда ёқимли," - деди Артета TNT Sports’га берган интервьюсида.
