"Барселона" ҳимоячиси Эрик Гарсия Чемпионлар лигаси доирасидаги "ПСЖ"га қарши ўйинда учрашувни охиригача давом эттира олмади.
Испаниялик футболчи 86-дақиқада жароҳат олганликда гумон қилиниб, захирага олинди. Орадан 4 дақиқа ўтиб парижликлар ғалаба тўпини киритишди (2:1).
"Жароҳат туфайли алмаштирилдимми? Йўқ, йўқ, шунчаки бироз чарчадим ва тизза ости пайида зўриқишни ҳис қилдим," - дея Гарсиянинг жавобини келтиради Barca Universal.
Якшанба куни "кўк-анорранглилар" Ла Лига 8-тури доирасида сафарда "Севилья"га қарши баҳс олиб боради.
