"Ювентус" ҳимоячиси Хуан Кабаль ўнг сонининг икки бошли мушагидан жароҳат олди, дея хабар берди клуб матбуот хизмати.
24 ёшли колумбиялик футболчи Чемпионлар Лигаси умумий босқичининг 2-туридан ўрин олган "Вильярреал"га (2:2) қарши ўйинда жароҳат олган эди.
Икки ҳафтадан сўнг футболчи тикланиш муддатини аниқроқ белгилаш учун қўшимча текширувлардан ўтиши режалаштирилган. La Gazzetta dello Sport хабарига кўра, ҳимоячи камида 6 ҳафтага сафдан чиққан.
Кабаль яқинда 2024 йилда хочсимон боғламлари жароҳатидан тузалиб сафга қайтганди. 2025/26 йилги мавсумда 3 та ўйинда майдонга тушиб, 1 та гол урган. Унинг "Ювентус" билан шартномаси 2029 йилнинг 30 июнига қадар амал қилади.
